4/28/2017

පුලුවන් තරම් ඉක්‌මනට මාව සොයන් එන්න…………….

ඔයාට දවසක අඩන්න වුනොත්,,
මට කතා කරන්න...
මම ඔයාව හිනස්‌සනවා කියල,,
පොරොන්දු වෙන්නෙ නැහැ,,

එත් මට පුලුවන් ඔයත් එක්‌කම අඩන්න...
ඔයාට දවසක හැමදෙයකින්ම ඈතට දිව යන්න ඔන වුනොත්,,
මට කතා කරන්න...
මම ඔයව නවත්ව ගන්නවයි කියල,,
පොරොන්දු වෙන්නෙ නැහැ,,
එත් මට පුලුවන් ඔයත් එක්‌කම දිවයන්න...

ඔයාට දවසක කිසිම කෙනෙකුට ඇහුම්කන් නොදි ඉන්න ඔන වුනොත්,,
මට කතාකරන්න..
මම පොරොන්දු වෙනව,,
බොහෝම නිශ්ශබ්දව ඔයගෙ ලගටම වෙල ඉන්නවයි කියලා...
එත් දවසක ඔයා මට කතා කලත්,,
මගෙන් කිසිම පිලිතුරක්‌ නැති වුනොත්,,

පුලුවන් තරම් ඉක්‌මනට මාව සොයන් එන්න…………….


~අන්තර්ජාලයෙන් උපුටා ගන්නා ලද්දකි

4/21/2016

දළදා හාමුදුරුවනේ

දළදා හාමුදුරුවනේ ඇසළ පෝය දවසේ
අලුත් සහල් මංගල්ලෙට මං තනියෙන් ආවේ
තනි නොතනිය යන්ඩ එක්ක මේ දුර සංසාරේ
ආල හිතක් මට ලැබෙන්ඩ පැතුවා එන වාරේ

පාළු කුඹුරු අස්වද්දන රන් බිජුවට වෙන්ටයි
නිල් පැලපත කිරි වද්දන කිරි ගෙන වැඩ එන්ටයි
මාත් එක්ක සංසාරේ අත්වැල් බැඳ යන්ටයි
කාත් කවුරුවත් නැති මට එළියක් වී ඉන්ටයි

මල් සුවඳක් සේ මා වට සුවඳ දිදී ඉන්ටයි
ඇල් සුළඟක් වී අවුදින් ගත සිත පුබුදන්ටයි
මාත් එක්ක සංසාරේ අත්වැල් බැඳ යන්ටයි
කාත් කවුරුවත් නැති මට එළියක් වී ඉන්ටයි

ගී පද - සමුද්‍ර වෙත්තසිංහ 
ගී තනු - ආචාර්ය රෝහණ වීරසිංහ 

ගායනය - සුනිල් එදිරිසිංහ

4/04/2016

ආදර අඹරෝරෙදි ඔබ මා මඟ හැර ගියදා

කඳුලැලි සයුරෝරෙහි කාලය ගිලී ගියා
මේ සඳකැල්මවත් මගෙ දුක දැක්කා නම් එදා
විඳවන්න තිබුනා මට ඔබ සිහිකර කර මෙදා

ආශාවරී ඔබෙ නම පවා මියුරුයි කියා සිතුවත් එදා
ආශාවරී ඔබ ඒ තරම් වියරුයි කියා හිතන්නවත් මට බෑ මෙදා

ලස්සන දවසක සවසක හමුවී ඒ විසිතුරු උයනේ
උනුසුම විඳ විඳ සුවසේ පෙරලී හිඳ මා තුරුලේ
හිනැහුනු තරමට ඔබගේ
ගත මා ලඟමුත් හිත ඈතක බව නම් නෑ දැනුනේ

අවරට යන හිරු සඳ වාගෙමද මා දුටුවේ
වෙරළට එන රළ ආපසු යන බවවත් නෑ දුටුවේ
පහසම පමණද පැතුවේ

මා අත අත්හැර අතින් අතට යනෙනා ළඳුනේ


ගී හඬ  කල්පන නයනමඩු
ගී නද පසන් ලියනගේ
ගී පද කැළුම් ශ්‍රී මාල්

3/20/2016

ඇරඹුමම කඳුලක්‌ වෙලා

ඇරඹුමම කඳුලක්‌ වෙලා
මා බලා ඉද්දී ඒ දිහා
ආ දුරත් දුර වැඩි නිසා
අවසානයට පෙර ඈ ගියා...

දුක්‌බරම කවියක්‌ ලියා
එහි පද පෙළක්‌ අඩුවෙන් තියා...
අරුත පසදින්නට කියා
අවසානයට පෙර ඈ ගියා...

ශෝකාන්තය එන තුරා
එහි රැඳෙන්නට සිත් නැති නිසා...
අනන්තය ළඟ මා දමා

අවසානයට පෙර ඈ ගියා...



ගී පද : දිලීප අබේසේකර
ගී නද : නාලක අංජන කුමාර
ගී හඬ : කසුන් කල්හාර 

ඔබගේ මතකෙන්

ඔබගේ මතකෙන් මට යන්නට බෑ කිසිදා
දෙනෙතේ කඳුළැල් අඩු වෙන්නෙ නැති හින්දා
හිඳිනා තැනින් මෙලොවේ ඔබ එන්න යළි මා කෙරේ
ඔබගේ මතකෙන් මට යන්නට බෑ කිසිදා
දෙනෙතේ කඳුළැල් අඩු වෙන්නෙ නැති හින්දා

ළංවෙලා කී කතා පාවෙලා මා දමා
පෑ සිනා පෑරිලා යාවෙලා වේදනා
හැමටත් වඩා වැඩියෙන් විශ්වාස කෙරුවේ ඔයා
විශ්වාසෙ කඩකල ඔයාට මං ආදරෙයි සදා

වෙන් කළා යැයි කියා මා රැවටුවත් ඔයා
සෑමදා පතන්නේ මා වෙන්නෙපා දුකක් කියා
ඇතිනම් හිතේ අනුකම්පා ඔබ එන්න නැවතත් සොයා
රවටාලා වෙන්වී ගියාට මං ආදරෙයි සදා

ඔබගේ මතකෙන්.....
ගී පද : සජිත් චතුරංග
ගී නද : රදීෂ් වැන්දබෝනා
ගී හඩ: ශෙහාන් මිහිරංග